تفاؤل صحفي من الاحرار

الأحد، يوليو 05، 2009

منظمة العفو الدولية: القوات الإسرائيلية استخدمت الأطفال الفلسطينيين كدروع بشرية

اتهمت منظمة العفو الدولية إسرائيل بخرق القوانين والاتفاقيات الدولية أثناء الحرب الأخيرة على قطاع غزة ।وقالت المنظمة في تقرير من 117 صفحة نشرته يوم الخميس 2 يوليو/ تموز إن كثيرا من التدمير في تلك الحرب كان متعمدا ونفذ في ظروف لا يمكن تبريرها بوجود ضرورات عسكرية.وقال التقرير إن الجنود الإسرائيليين استخدموا في عدة حالات المدنيين الفلسطينيين ومنهم الأطفال دروعا بشرية ما عرض حياتهم للخطر.
وحول هذا الموضوع قال دوناتيلا روفيرا كبير باحثي منظمة العفو بشأن جرائم الحرب في غزة وإسرائيل: "ما توصلنا إليه أساسا هو أن هناك أدلة على أن جرائم الحرب ارتكبت على نطاق واسع من قبل القوات الإسرائيلية... هناك على الأقل ثلاثة مجالات لهذا الإنتهاك؛ مئات المدنيين قتلوا نتيجة هذه الإنتهاكات . كما تم تدمير المنازل والمباني المدنية على نطاق واسع وغير مبرر عسكريا ، وتم منع الطواقم الطبية من إجلاء الجرحى، إضافة إلى إستهداف هذه الطواقم وسيارات الإسعاف. كل هذه الخروقات القانونية تمثل جرائم حرب" .وتحدث تقرير المنظمة أيضا عن خروقات في إستخدام الفسفور الأبيض خلال الحرب الإسرائيلية، مشيرا الى عدم وجود أي سبب لإستخدام إسرائيل هذا السلاح خلال حربها الأخيرة على القطاع.
وبهذا الصدد قال كوب كريس سميث خبير الاسلحة في منظمة العفو الدولية: "... الفوسفور الأبيض هو ظلامي وهو سلاح لانتاج نظام ستار من الدخان . ليس هناك اي داع تكتيكي على الاطلاق لنشر ستار من الدخان بكثافة شديدة وبالذات في الكثافة السكانية العالية والمساحة المبنية مثل مدينة غزة" .
كما نفى التقرير المزاعم الإسرائيلية بأن حماس استخدمت المدنيين كدروع بشرية। لكن التقرير إتهم مسلحي حماس بخرق القانون الدولي بسبب إطلاق الصواريخ على المدنيين في جنوب إسرائيل.

المصدر:روسيا اليوم

صحفي مشاغب

جمعتنى صداقة وطيدة لاتزال ممتدة الى اليوم مع الزميل حمادة عوضين صاحب المدونة التى تطل على القراء تحمل هموما وآلاما يصعب حصرها فى وقت تعددت فيه الأزمات وضاعت العديد من الثوابت ، وحمادة عوضين الذى عرفته خلال عملي مديرا لمكتب " الميدان" بالدقهلية ثم مساعدا لرئيس التحرير هو أحد الصحفيين القلائل الذى يعرف بحق قيمة الطموح بل لن أكون مبالغا اذا أكدت أنه يملك أسلحة فتاكة فى مواجهة اليأس والمستحيل وتلك أحد أبرز صفاته التى عايشتها معه عن قرب فحينما كان يعلم من مصادره عن خيط لتحقيق صحفي ويبدأ بالعمل فيه وجمع تفاصيل القضية كنت أنصحه بالتريث أو تأجيل الموضوع الا أن اصراره الغريب يبهرك بالفعل وفى وقت قياسي يحصل على التفاصيل والمستندات ويفجر القضية التى تحقق ردود أفعال قوية وهذا هو سر نجاحه ، ولم أتعجب من قرار الزميل حمادة بتنويع نشاطه الصحفي والاتجاه الى المدونات الاليكترونية فى وقت اجتذب فيه الانترنت شريحة عريضة من القراء كما لفت نظرى تنوع وسخونة القضايا التى يفجرها فى مدونته وأتوقع لهذه المدونة انتشارا كبيرا لأن صاحبها أحد الصحفيين المشاغبين الذى لايرضى عن النجاح بديلا وقد أفنى حياته لهدف واحد ووحيد وهو تقديم وجبة دسمة للقارىء يقدمها بعد سلسلة من العناء والشقاء .
وجدي صابر

رغم كل الظروف انا متفائل فلماذا أنت متشائم ؟!

رغم الايام القلية من عمر موقعى الا ان اسمه التفاؤل اثار العديد من التساؤلات خاصة فى اوساط المحيطين بى حيث طالبنى العديد من القراء الكرام تفسير للتفاؤل ومن هؤلاء الطبيبان محمود رزق وعبد القادر عبد الفتاح والمدرسين مصطفى الشاعر ومحمد القصبى والمهندس احمد ابو الفتوح السنباطى ومحمد عبد الغفار كلية العلوم والمهندسين احمد فتوح واحمد سمير ووسيم نوفل واشرف حسن ومحمود عرابي واحمد سمير ابوالاسرار وهادي البرنس ومحمد عبد الغفار علوم وعادل نبهان سياسة واقتصاد وقد جمعتنى لقاءات عديدة ببعض الاصدقاء دارت من خلالها العديد من الحوارات حول مفهوم التفاؤلحيث عرفنى الجميع صحفى معارض دائم الحديث عن السلبيات فقط فقلت انّ من الصفات النبيلة والخصال الحميدة التي حبا الله بها نبيه الكريم ورسوله العظيم صفة التفاؤل، إذ كان صلى الله عليه وسلم متفائلاً في كل أموره وأحواله، في حلِّه وترحاله، في حربه وسلمه، في جوعه وعطشه، وفي صحاح الأخبار دليل صدق على هذا، إذ كان صلى الله عليه وسلم في أصعب الظروف والأحوال يبشر أصحابه بالفتح والنصر على الأعداء، ويوم مهاجره إلى المدينة فراراً بدينه وبحثاً عن موطئ قدم لدعوته نجده يبشر عدواً يطارده يريد قتله بكنز سيناله وسوار مَلِكٍ سيلبسه، وأعظم من ذلك دين حق سيعتنقه، وينعم به ويسعد في رحابه.نعم إنه التفاؤل، ذلك السلوك الذي يصنع به الرجال مجدهم، ويرفعون به رؤوسهم، فهو نور وقت شدة الظلمات، ومخرج وقت اشتداد الأزمات، ومتنفس وقت ضيق الكربات، وفيه تُحل المشكلات، وتُفك المعضلات، وهذا ما حصل مع رسول الله صلى الله عليه وسلم عندما تفاءل وتعلق برب الأرض والسماوات؛ فجعل الله له من كل المكائد والشرور والكُرب فرجاً ومخرجاً.فالرسول صلى الله عليه وسلم من صفاته التفاؤل، وكان يحب الفأل ويكره التشاؤم، ففي الحديث الصحيح عن أنس رضي الله عنه عن النبي صلى الله عليه وسلم قال : ( لا عدوى ولا طيرة، ويعجبني الفأل الصالح: الكلمة الحسنة ) متفق عليه.والطيرة هي التشاؤم.وإذا تتبعنا مواقفه صلى الله عليه وسلم في جميع أحواله، فسوف نجدها مليئة بالتفاؤل والرجاء وحسن الظن بالله، بعيدة عن التشاؤم الذي لا يأتي بخير أبدا.فمن تلك المواقف ما حصل له ولصاحبه أبي بكر رضي الله عنه وهما في طريق الهجرة، وقد طاردهما سراقة، فيقول الرسول صلى الله عليه وسلم مخاطباً صاحبه وهو في حال ملؤها التفاؤل والثقة بالله : ( لا تحزن إن الله معنا، فدعا عليه رسول الله صلى الله عليه وسلم فارتطمت فرسه - أي غاصت قوائمها في الأرض - إلى بطنها ) متفق عليه.ومنها تفاؤله صلى الله عليه وسلم وهو في الغار مع صاحبه، والكفار على باب الغار وقد أعمى الله أبصارهم فعن أنس عن أبي بكر رضي الله عنه قال : ( كنت مع النبي صلى الله عليه وسلم في الغار، فرفعت رأسي، فإذا أنا بأقدام القوم، فقلت: يا نبي الله لو أن بعضهم طأطأ بصره رآنا، قال: اسكت يا أبا بكر، اثنان الله ثالثهما ) متفق عليه.ومنها تفاؤله بالنصر في غزوة بدر، وإخباره صلى الله عليه وسلم بمصرع رؤوس الكفر وصناديد قريش.ومنها تفاؤله صلى الله عليه وسلم عند حفر الخندق حول المدينة، وذكره لمدائن كسرى وقيصر والحبشة، والتبشير بفتحها وسيادة المسلمين عليها.ومنها تفاؤله صلى الله عليه وسلم بشفاء المريض وزوال وجعه بمسحه عليه بيده اليمنى وقوله: لا بأس طهور إن شاء الله.واختتمت كلامى برأى الشعر حول التفاؤل حيث يقول الشاعرايليا أبو ماضىأيهذا الشاكي و ما بك داء كيف تغدو إذا غدوت عليلاإن شر الجناة في الأرض نفــس تتوقى قبل الرحيل رحـيلاأيهذا الشاكي و ما بك داء كن جميلاً ترى الوجود جميـلافحين قال ابناء عمومتى الدكتور ايهاب منصور وحمادة عبد الهادى المراجع اللغوى لهذا الموقع أن التفاؤل يشحذ قدرات الإنسان و يزيد من قوته و مقدرته على تحقيقق أهداف حياته وبهذا يتضح للجميع اننا عائلة جذورها ضارب فى اعماق التفاؤل واننا لدينا قدرة على التحمل تفوق الاحتمال.هذا فى الوقت الزى تقمص فية اصدقائى السيد المتولى و اسامة عبد القادر ومحمد سليمان وميسرة الدنف ومجدى منيردور المتفائلين الفلاسفة واكدوا انالتفاؤل مرادف للتيمن و هو مأخوذ من اليمن أي البركة و البشارة و أصله من اليمين ضدّ اليسار و لهذا المعنى صلة شعبية بما كانوا يسمونه السوانح جمع السانح و هو من الطيور أو الغزلان؛ الذي يمرّ من يسار الرائي إلى يمينه و كانوا يتفاءلون به و جمعه سنّح أيضاُ.وكانت لهذه الكلمة و نقيضها التشاؤم صلة وثيقة بعقائد الجاهليين مثلاَ، عندما ثارت الريح من ناحية الشآم، ريح الشمال، الريح الشآمية تنذر البدوي بالبرد و القحط و الجوع، فاشتقّ منها التشاؤم. و الريح اليمانية تهب رخاء، و تبشر بالمطر و الربيع و الشبع، فاشتق منها التيمن، و صار يتطير بكل ما يأتيه من ناحية ‌الشمال، و يتفاءل بكل ما يأتيه من ناحية اليمين. وقد تركت آثارها في أدبهم و لهم أشعار كثيرة متأثرين فيها بمعنى هاتين الكلمتينشفتوا أيها القراء لية انا متفائل مفيش شخص اعرفة حدثنى عن التشاؤم وحياة رحمة الدكتور شديد وابو لمعة الكبير انا مش كذاب !!!!اما اصديقى هاشم الشراكى ابو احمد باشا وللعلم باشا دى من عندى لعلة يكف عن تجاوزة معى بالسانة اللى عاوز قطعة هو والواد ابن الشيطانى فقال ان التفاؤل وجهة نظر في الحياة و التي تبقي الشخص ينظر إلى العالم كمكان إيجابي، أَو تبقي حالته الشخصية إيجابية. و التفاؤل هو النظير الفلسفي للتشاؤم المتفائلون عموماً يَعتقدون بأنّ الناس والأحداث جيدة أصلاً، و أكثر الحالات تسير في النهاية نحو الأفضل.بغض النظر عن ذلك يعتقد بعض المتفائلين بأنّه بغض النظر عن العالم أو الحالة الخارجية، يجب على الشخص أن يختار شعور الارتياح ويستفيد إلى أبعد الحدود منه. هذا النوع من التفاؤل لا يقول أيّ شئ حول نوعية العالم الخارجيِ؛ هو تفاؤل داخلي حول مشاعر الخاصة.فحين قال طارق صبحى وابراهيم نجاح عن ظاهرة التفاؤل انهاليس معناه بناء قصور من الغيم و الريح بل شعورية يضاعف الأمل من رهافتها و اشراقها لتصبح أقدر على ازالة الهموم من القلب و اذابة جليد التشاؤم من النفس.أما اليأس فمرض عضال لا يصيب الا النفوس التي لفظ فيها الأمل أنفاسهاما محمد كمال وابن عمى المهندس السيد ابو خليل المنفذ الفنى لهذا الموقع تحدثا عنالتفاؤل الغافل : الذي هو أقرب إلى التشاؤم في نتائجه ومعناه أن ترى الجانب الحسن والمشرق فقط لا غير من المستقبل إنما هو أقرب إلى الخيال .التفاؤل الجاد : وهو النوع الذي يدفع الإنسان إلى تخطي الصعاب وإيجاد الحلول المثالية لكل الأزمات .وهو أن ترى الجانب السئ والحسن معا وأن ترد المشكلة إلى أصولها وتبحث عن أسبابها وتضع لها أكثر من حل وتعرف أو تقدر نتيجة هذه الحلول كي لا تتفاجاء بهاهو أن لا تميل وتخضع وتندب حظك لمجرد إنك فشلت في أمر ما ، أن تنهض من جديد وتعتبرها مجرد تجربة تستفيد منها في محاولاتك الثانية والثالثة وغيرها حتى تصل إلى هدفك .هو أن لا تعتبر النجاح هدفك في الحياة إنما المحافظة على نفسك ناجحا دائما .هو هو أن لا تثور آنيا لموقف تصادفه وإنما تحافظ على هدوءك وتحلل ما حدث تحليلا عقلانيا وترده إلى أسبابه وستجده عندها أمرا تافها لا يستحق منك كل هذا الإهتياج .أن تعيش في جو الحقيقة بعيدا عن الخيال وتحول أن تتوقع حدوث كل شئ وتتهيء له ...أن لا تصدر أحكاما سريعة أبدا قد تغير مجرى حياتك وحياة غيرك قبل التمعن فيها ...أن تنشر التفاؤل بين الناس وتعلمهم كيف يتغلبون على مصاعبهم وينهضون من جديد ...بس خلاص ياحلوين لحد كدة واؤكد بعد كل دة اننى لو شفت خلقة اى شخص متشائم هروح مبلغ عنة مباحث التهرب من التفاؤل !!!

من الاخر كده وبدون مقدمات وبلا تردد قررت الابتعاد عن التدوين بعد اللي حصل ليا بتسألوا ايه اللي حصل ...
نخش في الموضوع مش عارف أكتب الموضوع بالعامية ولا بالفصحي أقولكم نخلية بالعامية الفصحي حاجة كدة زي الفرانكو اراب بتاعة الجيل الطحن بتاع اليومين دول
حضر شيخ الغفر في البلد تبعي وجرجرنى علي الدوار بتاعه بصحبة الغفر تبعه .
وسوف اشرح لكم كافة الاحداث يمكن تعذروني .............
فبعد اقتياد شيخ الغفرلي هو واعوانه وجه لي سؤالا مباشرا وواضحا وضوح الشمس فى كبد السماء .
انت مال اهلك بالتدوين ياروح امك ؟!!
فقلت له انا مواطن شريف ولي حقوق وواجبات واحيط علمك الي ان اقتيادي بهذه الصورة غير قانوني وأحب اقولك أن البلد فيها قانون و حقوق انسان بالاضافة الي انني صحفي واقتحام منزلي بدون اذن مسبق من النيابة سوف يقضي علي مستقبلك المهني والأهم ان محدش عمل معايا كدة قبلك ولازم تفهم ان سيرة أمي غير مسموح لأي شخص بالكلام عنها بالشكل ده كونها متوفاة منذ ثلاثين عاما ولا اقبل لشخص جاهل مثلك يخوض فى سيرتها خيرا او شرا.
فرد علي قائلا حقوق انسان اية وهباب اية يا روح امك اللي ماتت ويدوب شاور على الغفر وقال : روقوة!!
زي مايكونوا لقوا حاجة يفشوا غليلهم فيها و طاخ طيخ طاخ طوخ !!
أى أى يا عيني أي يا قفاية أي يا ظهري !!!
وبعد ساعة مرت علي دهراً كما يقولون اذاقونى فيها العذاب بكافة الوانه وصفاته قلت مضطرا خلاص أنا قصدي غير مسموح لحد غير سيادتك بالحديث في سيرة امي ماشي وبعدين انت ابو التعليم والثقافة والتنوير في الناحية كلها انا جاهز ياباشا لكل اوامر جنابك ومستعد أعترف بكل اللي عايزني أعترف بيه بس قولي احلام جنابك اية؟!! عرفت دلوقتي ليه كل اللي بيدخل الحبس بيكون اعترافه بالجريمة اللي ارتكبها كامل وبالتفاصيل زي ماهو مكتوب في كل محاضر الشرطة
فطلب من أعوانة ماكينة حلاقة وجاب دماغى زيرو يعنى رأسى أصبحت مثل قفاية بالضبط وراح شيخ الغفر الله يولع فيه هو واللى معاه قايلى : احنا جايبينك هنا النهاردة يا شحط علشان ناخد شوية معلومات منك وطبعا معندكش مانع ؟!!
ابدا ياباشا انا رهن اوامر معاليك !!
فقالي انت تعرف بلال فضل يا شحط ؟!
طبعا هو ا لمؤلف بتاع هيمة مسلسل عبلة كامل واحمد رزق
فقال انت اهبل يلا احنا هنجيبك هنا علشان تقول الكلام اللى زى وشك ده واشارة واحدة من ايده اللي تنشل وعاديك طاخ طيخ طاخ !!
خلاص فهمت يا باشا بلال فضل دة هو اللي حرض العيال بتوع 9 ابريل علي الشغب وهو كمان المخطط الرئيسي لكافة الاضرابات التي تحدث فى البلد وهو اللى بيحرض أصحابها على المطالبة بحقوقهم المسلوبة
واية حكاية الكلام اللي بيكتبه الواد سو في مدونتة ؟
قصد سعادتك سو يا سو حبيبي خاطفوه ؟!
وكالعادة اشارة واحدة وطاخ طيخ طاخ !!
حاضر يا ياباشا هفتكر اهوه كفاية ضرب ربنا يكفيك شر البهوات بتوعك و ايديهم الطرشة اللي هرت قفاية ,وورمت خدودي وانتفخت بسببها عنيا !!!
وبعدين يا باشا هقول اية للعيال وامهم ابوكم طلع فشار فقد كنت افتخر امامهم انك صديقي وبجلس معك على المصطبة !!
طب عارف الواد خال ولاد اختة اللى اسمة احمد هباب الصباغ ؟
ايوا ياباشا عارفة وعارف ولاد اخته واخته نفسها وجوزها وكلهم من المأجورين اللي بينفذوا أجندة خارجية حلوة أجندة خارجية دي صح حلوة بذمتك دي هتخلي الاعتراف تمام
انت هتهزر يا روح أمك ... بس والله حلوة اكتبها يا شحط مشيراً الي الكاتب اللي بيظبط المحضر
واخبار الواد بتاع مدونة شخابيط اية ؟
الواد دة طلع احمد ابنى يا باشا قاعد يشخبط ليل ونهار وأمه بتصوت منه قال اية قاعد يرسم والجيران بتشتكي منه ومن صويت والدته طول النهار ياريت تاخدوه وتخلصونى منه !!!
طب تعرف الواد بتاع مدونة ميت ؟!!
ايوا هو السبب في انتشار امراض السرطان التي تحصد ارواح الاطفال قبل الكبار بعد ان اغرق البلد بالمواد المسرطنة والقمح الفاسد .
طب تعرف البت لماضة ؟
ايوه عارفها هي البت ام لسان زالف والحشرية وهي ساكنة علي قمة الشارع بتاعنا اللي كل ما يجي حد يبيع سمك او مواد غذائية مسممة والتي يعتمد عليها الغلابة في الشارع تتلامض معاهم وتقعد تصيح فين المسئولين فين بتوع الصحة والامن الغذائي وحاجات كتير كدة مابفهمهاش!!
واية حكاية الواد بتاع مدونة موطاهر ؟
موطاهر دة صاحب خالي طاهر وزمانة معاة في الغيط بيروي الارض بمياة الصرف الصحي اللى بتلوث الزرع وتصيب المزارعين بكافة الامراض المستوطنة !!
طب عارف الواد بتاع مدونة الوعي المصري ؟
ايوة عارفة هو اللي بيجي البلد علشان يوعي الناس من البلهارسيا وانفلونزا الطيور والخنازير ومن الفشل الكلوي والالتهاب الكبدي الوبائي اللي بياكل كبد الاهالي !!!!
وعلاقة أهلك اية بالبت نوارة نجم بتاعة جبهة التهييس ؟
بصراحة سعادتك دي بالذات انا متغاظ منها لانها السبب الحقيقي وراء الانقطاع المستمر للكهرباء وعياط العيال الصغيرة فى القرية وحرق الاجهزة الكهربائية والاهم من ذلك انها السبب في حالة التهييس اللي البلد فيها خاصة بين الشباب بتوع البانجو وحبوب الصراصير والنمل والتى انتشرت بشكل مفزع بين العيال دول اللى بيضربوا الحاجات دي وبعدين يمشوا في الشارع يهيصوا أقصد يهيسوا مش دة قصد سعادتك بموضوع التهييس؟
طب قولي اية حكاية مجمع منال وعلاء للمدونات ؟
ياباشا ولاد الهرمة دول هما اللي بيشخرموا في صحة الناس وهما اللي بيستوردوا الاغذية الفاسدة وبيوزعوها من خلال المجمعات بتاعتهم !!.
وفجأة قالي شيخ الغفر شوف بقة ياروح امك احنا عاوزين اخبار العيال بتوع التدوين دول اول باول!!
فقلت له ياباشا ارجوك اعفيني من الحكاية دي انا راجل عديت الاربعين بعامين ومستحملش البهدلة فهم جميعا شباب صغاروأقولك
اللهم ولع في بلال فضل ونوارة نجم وصحفي الاحرار من زملائي الذين علموني حكاية التدوين دي وسو والواد خال ولاد اختة ولماضة وموطاهر وكل اللي على شاكلتهم !!.
راح زعلان وقايلي انتا هتتعوج تاني ياروح امك ؟!
كهربوة طاخ طيخ طاخ طيخ !!
لآلآ خلاص يا باشا انا عارف كل شئ عن العيال دول بلاش كهربة وحياة رحمة امك الغالية و ربنا يحرق المدونين دول ويحرق اليوم اللي فكرت اعمل فية المدونة الهباب دي!!
وقال أية رايح اسميها تفاؤل
وهنا فقط سابوني وطبعا انتم هتقولوا خلاص بقي وواصل الكتابة مدام سابوك وأهي علقة تفوت ولا حد يموت أقصد يتوقف عن الكتابة
لكم حق ما أنتم متعرفوش ان الموضوع دة كان مجرد حلم وبعد ما صحيت من النوم أصبت بصدمة عصبية خوفا من انقلاب الحلم الى حقيقة فقد تم نقلى للوحدة الصحية واعطانى معالى الدكتور حقنة مهدئة
وعلي طول رحت جاري علي شيخ الغفر فى البلد تبعى وبايس ايده وش وضهر حتى اثبت له اننى من اخلص رجاله !!!!
بلا تدوين بلا هباب والبركة فى الشباب الصغار اللى يستحملوا أيادى الغفر!!

من حمادة عوضين الى صديقة الصدوق اوباما احظر من ضرب الشبشب !!

فى البدية لابد وان يعلم الجميع جيدا ان الرئيس الاميركى باراك اوباما صديقى الا نتيم
ولا يستطيع اى شخص فى العالم مهما كان خبثة او ذكاءة اوحنكتة السياسية الوقيعة بيننا
استهل بهذه الكلامات قبل الاعلان عن نتيجة استطلاع الرأى الذي قامت به مدونتى حيث وضعه الزميل السيد ابو خليل على مدار اسبوع وكان السؤال الأهم في هذا الاستطلاع هو هل من الممكن ضرب الرئيس الامريكى با لشبشب فى المستقبل ؟ فجأت النتيجة 80% قالوا نعم سيتم ضربة بشبشب مقاس 44 في حين قال 15% احتمال فى الوقت الذى قال فية 5% فقط لن يضرب بالشبشب وطبعا دول معروفين بمصالحهم مع الامريكان المهم فى الامر اننى لم ادخر جهدا بعد معرفتى بنتيجة الاستفتاء وقررت الاسراع بتحذير صديقى الصدوق اوباما ليأخذ الحيطة مقدما له النصيحة وقلت أكسب أرضية جديدة عند الادارة الأمريكية مؤكدا له ان بداية اكتساب تعاطف الشعوب العربية وتلاش الضرب بالشبشب هي حل مشكلة فلسطين
وموضحا له ان المشكلة ليست حماس كما صور له البعض وان حماس من حقها ان ترفض الاعتراف باسرائيل ولا أحد يجبرها على ذلك .
كما أعدت على مسامع صديقى الحميم ماسبق وقلته أنا والكثير من قبلي أن أحد أهم المداخل الخاطئة في التفكير الأمريكي لمسألة تحسين صورة أمريكا في الخارج، هو النظر إلى السياسة الخارجية من منظور التسويق الدعائي والتجاري والتصور انه بمجرد القيام بسلسلة من الحملات الإعلامية والدعائية وتوسيع شبكة الاتصالات والعلاقات العامة فإن السياسة الأمريكية المكروهة والعدوانية وذات المذاق الـمُر سوف تصبح في أعين الناس سياسة جميلة ومقبولة ويمكن ابتلاعها.
وفي هذا الإطار لابد أن نذكر بالمثل العربي الشهير الذي يقول: (أيه تعمل الماشطة في الوجه العكر)، والمعنى واضح، فإذا كانت السياسة الأمريكية قبيحة ومتغطرسة ومتعجرفة ومتسلطة، فمهما تم تجميلها بكميات هائلة من المساحيق عبر ميزانيات الدبلوماسية وحملات العلاقات العامة وشبكات الدعاية الإعلامية ، فإن شيئا لن يتغير لأنه لم يعد من السهل خداع الناس في محيطنا العربي بالخطاب الدعائي المضلل أو التسويق الهوليودي المبهر، فالحقيقة بشأن السياسة الأمريكية المنحازة والمتعجرفة واضحة كالشمس ولا يمكن إخفاؤها أو حجبها، والرأي العام العالمي وخاصة في العالم العربي والإسلامي لا يمكن خداعه ثانية.
ولهذا، في تقديري الشخصي، أن كل المحاولات الأمريكية لتبرير السياسات المتعجرفة والمنحازة لا تعدو أن تكون نوعا من العبث السياسي والإعلامي والحرث في البحر.
أن أزمة السياسة الأمريكية في العالم العربي والإسلامي، كانت ومازالت تكمن في الانحياز الفج والمقيت لـ"اسرائيل" والظلم التاريخي الواقع على الشعب الفلسطيني، وقد أضيف إلى ذلك بعد أحداث 11 سبتمبر (أيلول) الحملات الشعواء ضد الإسلام والمسلمين في الخطاب السياسي الأمريكي وكارثة الغزو الأمريكي للعراق والحرب في أفغانستان وكل أخطاء ما سمي «"الحرب الأمريكية ضد الإرهاب".
وجوهر المشكلة أن امريكا لا تريد الاعتراف بهذه الأخطاء، ولأن من يهيمن على صناعة القرار الأمريكي سواء في البيت الأبيض أو الخارجية الأمريكية أو البنتاجون يدينون بدرجات مختلفة من الولاء لـ"اسرائيل" واللوبي الصهيوني، فإنهم كانوا ومازالوا يحاولون إخفاء الحقيقة في سبب كراهية العالم العربي والإسلامي للسياسات الأمريكية، فيوجهون البوصلة بعيدا عن "اسرائيل" والقضية الفلسطينية.
وبهذا النصح الذى اسديته الى صديقى الصدوق اوباما اكون قد اخليت ساحتى فى حال ضربه بالشبشب وقد اعذر من انذر .
صديقك الصدوق حمادة عوضين

وداعا ياصاحب القلب الكبير

عرفت هذا الرجل منذ سنوات هى عمر علاقتى بصديقى وزميلى حمادة عوضين ، عرفته فلاحا أصيلا لم تغير الآلام والأحزان معدنه الأصيل ولم يتلون بكثير من الحداثة المؤقتة التى عاشتها قريته ومسقط رأسه ميت الكرما ، وطوال السنوات التى عرفت الحاج صبحى عوضين والتقيت فيها معه كنت أشعر باضافة حقيقية تحدث لى مع كل لقاء يجمعنى معه ويكون الزميل حمادة طرفا فيه ، كنت أشعر أننى أحتاج لأن أجلس مع شخصية مثل شخصية هذا الرجل انه ذلك الانسان الذى يجسد معانى الشهامة والمرؤة والأصالة وحينما شق الزميل حمادة طريقه الى بلاط صاحبة الجلالة كنت أتعجب أن يقف والده ورائه بكل قوة تعجبت منها فهل هذا الرجل الفلاح البسيط الذى ربما لم يتلقى قدرا كافيا من التعليم يعرف معنى أن يدفع بابنه الى عالم الصحافة ويشجعه ويشد على يديه مع كل نجاح انه نموذج فريد من نماذج المصريين الأصلاء حزنت كثيرا لفراقه وتأثرت جدا لغيابه عنا لكن عزاؤنا الوحيد أنه يلقى ربه بنفس هادئة مطمئنة وانا لله وانا اليه راجعون . وجدى صابر نائب رئيس تحرير جريدة الميدان

وداعا أبى وصديقى الحنون

وداعا أبى وصديقى الحنون

أطباء وممرضات وسريرأبيض ...... جسد شاحب هنا كقضى والدى أخر أيامة والتى مرت على دهرا من العذاب والالم النفسى والجسد ى فأمام حبى لة لاحيلة لى فى رفع الامة كانت لحظات الرحيل أقصى على نفسى اكثر من رحيل ابنى محمد ذات الاعوام الخمس فبرغم أن هذا ألسريرألأبيض الذى يرقد علية هذا الجسد أ لشاحب وألذى اشعر به يرتجف يتألم........ ليس لة ذنب فى مرض والدى ألا اننى كرهتة
فالأب ذلك الشخص الذي شق لى طريق الحياة الصعبة بصبر وبقي صابراً رغم قلة حيلتة ذلك الإنسان الذي كنت عنده غرسة سقاها من عرق جبينه وغرس بداخلى أنة صديقى وليس أبى فأصبحت عادة لدى ونبراس تعامل بينى وبينى أبنائى ذلك الإنسان الذي أدين له بالفضل ما حييت ........ أبي ........كيف أرثيك يا أبي وأنت عمري وصديقي الحنون .... ماذا أقول وفقدانك كاد أن يصيبني بالجنون مــــــــــــاذا أقول لك والكلام يهرب مني .... وضاعت حروفي ولم يبق مني إليك سوى الشجون أبي حبيبي خطفك الموت وأنا بحـــاجة لصدرك .... أرتمي عليه لأنسى مشــــاكل أيامي والسنون أصبحت الدنيا برحيلك عنـــــا صحراء مقحلة .... وأصبحت ليالي طويلة وغاب عنها نوم الجفون ماذا أقول والحزن يعصرني وحزني ما هرب مني .... يوماً حتى بفرحي كانت دمعتي ترقق بـالعيون كيف لا وكل من عرفك قـــــــالوا رحمك الله .... لكنى لا أقول الا ما يرضى اللة تعالى – فأن القلب لا يحزن وأن العين لا تدمع وأن لفراقك يا أبى لا محزنون – انا للة وانا الية راجع

لايزال يطاردنى اعداء النجاح !!

كان سؤال صديقى الاديب السيد المتولى بعد لقاء عقب غياب اسابيع عن بعضنا البعض تقليدى كيف الاحوال ابو عبد الرحمن ؟!
لكن ردى هو الغير تقليدى حيث قلت لا يزال يطاردنى اعداء النجاح ؟!!
فعلت الدهشة وجوة الجميع من كان بصحبتة من اصدقائى اسامة عبد القادر ومحمد كمال وسبب دهشتهم انت مسالم والجميع لا يحمل لك ضغينة فمن اين اتوا اعداء النجاح ؟!!
فشرحت تهديدات بعض الصغار بالسعى لتدمير موقعى الالكترونى بعد ان حقق نجاح منقطع النظير فى حالة الاستمرار فى كشف فسادهم واكدوا لى انهم جندوا اقرب الناس لى للعمل لصالحهم ضمن حزب اعداء النجاح والى هنا زادت دهشتهم جميعا فقلت ما سبق وقيل فى مثل هذة الامور لا تتعجبوا نعم هناك أعداء للنجاح فالعدو ليس هو ذلك الذي يحمل السلاح في وجهك جهارا نهارا بل هناك أعداء لا نراهم يمارسون عداوتهم في الظلام والحشرات تعيش في الظلام أيضا وتمارس نشاطها وعداوتها في الخفاء ؛ لأنها ضعيفة تخاف من الظهور ومن النور ودائما في الحياة هناك النقيض وضده هناك النجاح وهناك الفشل هناك العدو وهناك الصديق والنجاح له أعداء يكرهونه ويحقدون على الناجحين ويسعون بكل وسيلة للتقليل أو التشكيك من قيمة النجاح وأهله وهؤلاء تعرفهم بكل سهولة فهم دائما ينتقصون من غيرهم ودائما تجد نغمة الحقد في كلامهم وكتاباتهم وكلما رأوا نجاحا سعوا بكل الوسائل إلى إسقاط قيمته في عيون الناس مرة بالتشكيك ومرة بالتقليل ومرة بالسخرية ولكن مسيرة الحياة وتجارب البشر دائما تثبت بأن الظلام عمره قصير والظلام سواد والسواد علامة على الأحقاد وقد يواجه النجاح بعض الحاقدين ولكنه في نهاية المطاف ينتصر ويثبت وجوده وهذه حقيقة تعرفها تجارب البشر ولا يبقى غير النجاح ولا يصح غير الصحيح وكلما صبرت وسكت عن الحاقد أكله حقده مثل النار التي تأكل بعضها وبعد كل هذا اعلنت لاصدقائى عن خوفى على موقعى من ان تطولة يد الشر .
فأشفقوا على كثيرا حتى كادوت تنهمر من اعينهم الدموع لكن السيد المتولى انقذ الموقف مرددايرى الدميم في الجمال تحدّياً له، والغبي في الذكاء عدوانا عليه وأسوؤهم الفاشل عندما يرى في نجاح الآخرين ازدراءً لشخصه وتهديدا لاستمراريته. قديما قال أحد حكماء التبت:" إذا تمنيت أن تنجز إنجازا عظيما، تذكر أن كل إنجاز يتطلب قدرا من المجازفة، وأنك إذا خسرت فأنت لا تخسر كل شيء لأنك تتعلم دروسا. لن تضل الطريق لو تمسّكت باحترام الذات ثم احترام الآخرين وتحمل مسؤولية كل فعل"ما إن تظهر مواهب وضعها الله لدى إنسان، حتى يتطاول في البنيان دون وجه حق من يريد علوّا في الأرض وفسادا كبيرا، فيُطوى جناحه على غضب مكتوم وضيق ظاهر ورغبة بزوال النعمة عن الآخرين، ولا يريحه إلا انطفاء العظمة وانبلاج الإخفاق، إذ لا تكف محاولات أولئك في التعرّض لنجاح الآخرين والتشكيك به وزرع الشبهات حوله. هم في كل واد يتيهون وينفثون في مسارات الناجحين كثيرا من السّموم، ويتقنون رمي العصي في دواليب الراكضين. وقد يظهرون لك على هيئة "أعدقاء": أي بذات الوقت أصدقاء و أعداء تحت التمرين، ليس ظاهرهم كباطنهم.. هم العدو فاحذرهم!.طريق النجاح يعلو وينحدر ويتسع ويضيق لكن مساره واحد: الصبر والأيمان والثقة بالنفس والاطمئنان. ومادام الإنسان يسطع ويلمع ويعطي ويبني فهو بلا شك سيتعرض لحرب ضروس من التحطيم المعنوي لا هوادة فيها. فالناس لا ترفس كلبا ميتا والجالس على الأرض لا يسقط، والقافلة تسير والكلاب لا تكفّ تنبح. لا أعبأ بمن ينسج الكثير من خيوط العنكبوت والقصص الزائفة حول ما أكتب وأقدّم ولا أرد على أحدهم إلا بعطاء أكبر وثمار أنضج، فتزول آثارهم مع انبلاج الصبح وسطوع شمس يوم جديد، وإن غدا لناظره قريب. فالحياة رحلة، والطريق ممتدة ولا أماني تتحقق دون جهد ودون أخطاء وأحزان وخسران. فعسى أن تكرهوا شيئا وهو خير لكم. ولا يحق إلا الحق وكل إناء بما فيه ينضح..قال رجل لأبي بكر:" والله لأسبنّك سبّا يدخل معك قبرك" فأجابه رضي الله عنه:"بل يدخل معك قبرك أنت".كثيراً ما أفكر في أمر هذا الإنسان المخدوع المظلوم بضباب يعمي بصيرته وغيوم تجثم على قلبه فتحرمه نعمة الرؤية والفهم وتجعله يخرج بسلاح من الهدم بدلاً من البناء. أحزن عليه لأنه لا يعلم في أي فلك والى أي هدف يسعى كل ما يعرفه أن عليه فقط تغطية مشاعر النقص التي يشعر بها وذلك بهز غصون شجر مثمر لعله يحظى بشيء يخفف عنه حدة معاناته وشقائه.

تفاؤل حمادة

يتميز صديقي وأخي حمادة عوضين بابتسامه ساحرة اسره بشوشة في كثير من الاحيان تحمل معان الطيبة التي تصل الي كثير من المسافات الي السذاجة والفطرة التي لاتشك في الاخر ابدا
ايضا بعيدا عن ألابتسامه نجده مثابرا صابرا مصرا علي التعلم والتفهم والاصغاء وهذة اشياء في حد ذاتها تكاد تموت في عالمنا العربي وتجربتي المتواضعة معه عبر جريدة الاحرار اكدت ان المعدن النفيس لن يختفي من كوكب الانسانية ولذا اشفقت عليه عندما اخبرني بانه انتوي غزو عالم التدوين والاعلام الجديد واختار اسما يحمل الكثير من سماته هو تفاؤل صحفي من الاحرار في ظل اشتداد أزمات شخصية وعامة علي حد سواء ولكنه اليوم يثبت ان الاصرار والعزيمة والقناعات الشخصية ممكن ان تدفع الانسان الي تحدي قلة معارفه او امكانياته خاصة ان عالم التدوين اصبح صرعة العصر الاعلامية خاصة اذا عرفنا انه لم يحظ أي صنف إعلامي خلال مراحله الأولى بالاهتمام الذي ناله التدوين ولم يستقطب أي صنف إعلامي أيضا هذا العدد المليوني للممارسين له، مدونات بالملايين. في عالم الإعلام الجديد نتحدث عن صحافة المواطن وسرعة الخبر وتقنيات متعددة بفضاء واحد، بالمدونة يوجد المرئي ويوجد المسموع وأيضا المكتوب… هناك البرامج التلفزيونية والإذاعية وبحر المقال…
التدوين هو المجال الوحيد الذي ليس به مقص الرقيب، هو الجريدة، القناة والإذاعة التي يسيرها صاحبها فقط… يسجل اللقاءات ويلتقط الصور ويحرر الأخبار بدون أن يقول له أحد هذا صحيح وهذا خاطئ… فقط الضمير هو الرقيب.
ويبقى السؤال الذي يطرحه العديد من الشباب العربي ، كيف أصبح مدونا ناجحا في وقت قصير؟
ليس الأمر بالهين وليس الأمر بالمستحيل، فقط القليل من العمل والتنظيم المحكم للوقت والتعامل الجيد مع الكمبيوتر وبعض التقنيات الحديثة التي تكتسب مع الوقت.
لكي تكون مدونا ناجحا يلزمك احترام أربعة أشياء: التوجه، القارئ، التعليق، القانون.
التوجه: المدونة الناجحة هي المدونة التي لها فكرة وتوجه معين، هي الفكرة التي خرجت إلى الواقع من خلال تفكير وسؤال لمن سأدون؟ وماذا سأدون؟ ولماذا سأدون؟ ومتى سأدون؟ أسئلة تحتاج إلى فكرة وتخصص ومجال رئيسي للتدوين الذي تجاوز كل اسوار الرقا وبات صوت الشارع
. اشرف البيومي

التطعيم

تناثرت الشائعات في القرية وزاد القيل والقال وكان محور الشائعات أن الحاج سمبو أخد الطعم بتاع إنفلونزا الخنازير زي الناس الأكابر ماهو برضة يعتبر منهم لكن فيه ناس تانية بتدافع عنه بإستماته وكأن اللي خدوا الطعم ناس وحشين وعاملوا جريمة طب فيها ايه إن السادة الوزرا والمسئولين الكبار لما ياخدوا الطعم وعلى شاشة التليفزيون مش علشان يطمنوا الشعب إن الطعم جميل حلو يا محلاه .

السحيتي : شفت يابا الحاج البلد ماورهاش سيرة غير إنفلونزا الخنازير والطعم اللي استوردوه من بلاد بره والوزرا اللي طلعوا في التليفزيون وهما بياخدوه .

سمبو : عادي ما كل حاجة لازم تعدي على الوزرا والمسئولين الأول علشان يتأكدوا من سلامتها .

السحيتي : أمال ماعملوش كدة ليه مع القمح المسرطن ولا المبيدات الفاسدة ؟

سمبو : اكتم يالا انت عايز المسئولين والوزرا يجربوا الحاجات دي أمال الشعب نعمل بيه ايه ؟ مش هو برضة علشان نجرب فيه الحاجات اللي زي دي

السحيتي : كان من العدل إن اللي جرب القمح المسرطن أول مين ياخد الطعم بتاع انفلونزا الخنازير ولا مش معايا في الكلام ده يابا الحاج ؟

سمبو : فيه ايه يالا ياسحيتي انت عمرك ما كنت مهتم بالناس ومشاكلهم يكونش اتعديت والله أنا خايف عليك لتكون اتعديت

السحيتي : أصل أنا كان نفسي أطعم وأطلع في التليفزيون وانت كمان يابا الحاج من حقك كنت تتطعم د انت مسئول عن بلدنا بحالها

سمبو : كتر ألف خيرك بس لو هطعم لازم أكون آخر واحد في البلد يطعم مش خوف من التطعيم بس حرص على الغلابة اللي زي مابتقول انا مسئول عنهم

السحيتي : طب السادة الوزرا والمسئولين جريوا على الطعم ليه ولا خايفين لا مايجيش غيره وده بالشئ الفلاني وخسارة في الشعب اللي ما يستحقش غير الموت

سمبو : الشعب وهيموت هيموت ماكنش من انفلونزا الخنازير يبقى من الطيور ولا الكبد الوبائي او الفشل الكلوي وان عدى من كل ده يبقى من الأكل اللي اتروى وشبع من مية الصرف وان فات من كل ده يبقى حادثة قطر أو عبارة تغرق يبقى مش خسارة نضيع تمن الطعم على الأرض شوفت بقى ان السادة الوزرا عندهم حق ولا لأ

السحيتي : عندهم ألف حق ونستاهل أكتر من اللي بيحصلنا وفداهم الشعب كله ما هو شعبهم وحرين فيه يطعموه يغرقوه يسرطنوه يدوخوه السح ادح امبوه

الغرب يعطينا حجابنا باليمين ثم يأمر الدول الاسلامية منعة باليسار !!!

وزيرة الخارجية الأمريكية هيلاري كلينتون تزور مسجد بادشاهي في مدينة لاهور فى مسرحية هذلية !!!

سألنى صديقى هل يعطينا الغرب ويمن علينا بالحجاب باليمين ويأخذة باليسار؟!

ففى الوقت الذىيعطينا فية الحجاب فى صورة مسرحية هذلية يأمر فية الحكومات الاسلامية بالتضيق علينا وأخذة باليسار ؟؟ !!

واستشهد بصورة الحجاب لوزيرة الخارجية الأمريكية هيلاري كلينتون وهى تزور مسجد بادشاهي في مدينة لاهور يوم 29 أكتوبر عام 2009 وأكدت وزيرة الخارجية الأمريكية هيلاري كلينتون يوم الثلاثاء 3 نوفمبر/تشرين الثاني أن الولايات المتحدة ستواصل تنفيذ وعدها حول فتح صفحة جديدة في العلاقات مع العالم الإسلامي الذي اعلن عنه الرئيس الأمريكي باراك أوباما في جامعة القاهرة في يونيو/حزيران الماضي.وأوضحت كلينتون في كلمة ألقتها في "منتدى المستقبل" بمدينة مراكش المغربية أن واشنطن ستطرح على الدول الإسلامية زرمة من البرامج الهادفة الى دعم رجال الأعمال وتشجيع التنمية الاقتصادية وتطوير التعليم.وأضافت وزيرة الخاريجية الأمريكية أن واشنطن تتطلع الى تعميق التعاون مع الدول الإسلامية في مجال العلم والتكنولوجيا، كما ستدعم تفعيل دور المرأة في المجتمع وحوار الأديان.هذا فى الوقت الذى خرج فية شيخ الازهر كرم اللة وجة بفتوى منع النقاب !!!!!!!!!!!!!!!!!!!!!

المصالحة الفلسطينية

الحاج سمبو بعد صلاة الجمعة قال يقعد قدام المندرة في شمس الشتا الجميلة اللي مفيش زيها في الدنيا دي من مشرقها لمغربها قال يعني الحاج سمبو شاف اي حتة تانية غير البلدي بس الكلام ده دايما بيسمعه في أي برنامج بيشوفه في التليفزيون نده على السحيتي مدير أعماله وقاله بسرعة اأمر لنا بكوبيتين شاي تقيل سكر تقيل ياأبو مخ تقيل .

السحيتي : مقبولة منك يا كبيرنا والله المكان رجع ينور بيك يابا الحاج وربنا ما يحرمنا من شرب الشاي مع جنابك .

مافتشي خمس دقائق إلا والمكان بقى مليان بالفلاحين وكأن حد دعاهم لإجتماع مهم . الحاج سمبو اتعدل بعد ما كان ممدد وواخد راحته في القعدة

سمبو : خير اللهم إجعله خير في أيه يالا منك له حد قالكم انهم هيوزعوا سكر ولا يكونشي حد قالكم ان مؤتمر الحزب هيتعمل هنا السنادي

جمال أبو الغيط : بصراحة يا حاج احنا قولنا نعملك مفاجأة ونيجي نقولك كل سنة وانت طيب

سمبو : بمناسبة اية ان شاء الله ؟

أبو الغيط : بمناسبة مرور سنة على إجتماع شرم الشيخ لإعادة إعمار غزة والعمل على رفع الحصار يبقى بعد سنة المفروض الحصار يكون اترفع والعمار عم غزة

سمبو : انت جاي انت والفلاحين كلكم علشان تتريقوا ما انتوا عارفين إنه لا فيه إعمار ولا فك حصار ولا حتى مصالحة

السعيد مخيمر : بخصوص المصالحة يعني كل ما مصر تقرب تتوصل لحل وتجمعهم علشان يتفقوا يحصل حاجة تلخبط الأمور وتعقدها دة زي ما يكون شغل يهود

سمبو : إنت بتقول فيها والله أنا حاسس إن ليهم ايد في اللي بيحصل علشان هما الوحديين المستفيدين من الصراع الفلسطيني الفلسطيني

السعدوني : والحل ايه يابا الحاج ؟

سمبو : أنا شايف من وجهة نظري اللي على قدي إن الأخوة بتوع أوسلو ومدريد وخلافة بتوع المفاوضات يعني يتفاوضوا زي ما هما عايزين إن شا الله لحد يوم القيامة بس ما يسقطوش حق اللي بيقاوم في المقاومة

أبو الغيط : والله عندك حق يابا الحاج حتى العدو يعرف إن فيه خيارات تانية غير خيار السلام الإستراتيجي والوحيد اللي إخوانا اللي غاويين تفاوض ماسكين فيه بإديهم واسنانهم لحد يخطفوا منهم كأن الخيار هيمنعوه من السوق ومش هيلاقوا غيره

السعيد مخيمر : وكفاية تنازلات علشان كرسي السلطة اللي طبق السلطة أحسن منه وبلاش أفكار هدامة زي نحل ونخلي القدس عاصمة ثقافية للجميع يا خويا الأول اتحرر وبعدين اتصرف زي ما تحب . وأنا شايف إن أي وسيط عربي لازم يبقي على نفس المسافة من كل فصيل فلسطيني يعني ما يخدش صف ده علشان بيستلطفه ولا مش مرتاح من شكل الفصيل التاني

سمبو : بلاش تلميحات وخلينا نتناقش من غير همز ولمز

السحيتي : إتفضل الشاي يا با الحاج شكلك كده صدعت من الكلام في المشكلة دي وسبكوا بقه من الموضوع دة ونقلب على موضوع تاني

سمبو : ياريت تتقلب بيك عربية في الترعة وأخلص منك والله ما ضيع فلسطين والأقصى إلا اللي زيك واللي همه على كرسي في السلطة والا وزارة والا قرشين يجوا على هيئة معونة من هنا ولا هناك بقولكم ايه يا رجالة تيجوا نعمل مبادرة زي المبادرة العربية ونسميها مبادرة سمبو لحل الخلاف الفلسطيني

أبو الغيط : وحياة أبوك يا حاج خليها أي حاجة الا مبادرة علشان الشعوب العربية كلها كرهت كلمة المبادرة دي

سمبو : سميها زي ما تحب سميها فكرة إحنا نجيب الأخوة في فتح وحماس والجهاد والجبهة الشعبية وكل الفصائل ونوفقهم على كلمة واحدة ونوعدهم إنه إن شاء الله لما القضية الفلسطينية تتحل وتبقى فية دولة حقيقية مش سلطة تنفيذية مجرد كلام على ورق تبقى الرئاسة بالتناوب كل فصيل يترأس السلطة فيها أربع ساعات في اليوم .

السحيتي : والله براوه عليك يا حاج حلو قوي حكاية الرقص دي .

استقيلوا يرحمنا ويرحمكم الله

الحاج سمبو وبعد انتهاء صلاة المغرب رجع يكمل إجتماعه بأهل قريته وقال يتكلم عن مشاكل الناس وهمومهم اليومية وخاصة مشكلة مياة الشرب والأكل والعلاج في مستشفيات وزارة الصحة وفعلاً وقف وإستكمل الكلام

سمبو : شوفوا ياولاد أنا عارف إن معظمكم ان مكنش كلكم بيصرخ من الأسعار وده شئ صحي انكم تصرخوا وده معناه انكم لسه فيكم نفس

السحيتي : بخصوص النفس أقوم أنفس عن نفسى لحد متنتهوا من الإجتماع اللي مش هيتفض السنادي

سمبو : روح من غير راجعة ما اللي زيك هما اللي خلوا الحكومة تتمادى في عمايلها السودة اللي زي وشك

جمال أبو الغيط : يعني الحكومة هتعمل أكتر من كده ايه يابا الحاج دي مش مخليه على جهدها جهد خافت علينا من السكر قامت رفعه سعره وبدل منشرب الشاي سكر تقيل ويجلنا تخمه من تقل السكر منعرفش نقوم من مكانا ناكل الرغيف بتاع الصبح من غير منشرب شاي وكفاية ناكل معاه حصوة ملح

محروس السعدوني : خلي انت في عينك حصوة ملح ومتقلش رغيف كدة بالفم المليان داحنا بنقسم الرغيف علينا انا ومراتي علشان نقدر نكمل اليوم

سمبو : خلينا في المهم ... أنا سمعت إن الوزير اياه بتاع الحوادث استقال

السعيد مخيمر : استقال ايه بس يا حاج لو كان عاوز يستقيل مكنش قعد طول الجلسة في مجلس الشعب امبارح يقول مش هستقيل وقاعد أتحدي وهكمل اللي بدأته من إنجازات ولولا الضغط اللي عليه كان فضل على قلبنا ليوم الممات

سمبو : يعني عايز تقول انهما أقالوه بس خلوها تيجي منه ... بقى كده عقبال الباقين اللهم آمين ونفسي يجي اليوم اللي أشوف فيه وزارة حاسة بالغلابة مش قاعدة في القرية الذكية ومارينا والشرم وبتاكل من فرنسا وبتشرب ميه مش عارف منين يبقى ازاي هتعرف مشاكل المطحونين

أبو النجا : وهيا يعني قريتنا اللي غبية ماإنت أهو يابا الحاج زي الفل وبتفهم في مشاكلنا أحسن من أحسنها وزير وربنا بيقدرك وبتحل اللي بتقدر عليه ويمكن تبات جعان علشان غيرك يشبع

جمال أبو الغيط : يبقى زي ماقٌولنا من زمان لازم الحاج سمبو يشكل وزارة ولا أقولكم أحسن حاجة نبعت نجيب وزارة صيني تبقى أوفر والمسئولين هيسهلوا استيرادها علشان يطلعلهم عمولة مهما بيسهلوا وبيتساهلوا في دخول أي حاجة البلد مدام عمولتهم محفوظة وأدينا شايفين قمح مسرطن وغشاء بكارة وأجهزة تصنت وكله بحسابه

السحيتي : بقول نقوم نصلي العشا أحسن

سمبو : نصلي وندعي عليك وعلى الحكومة إما أنها تستقيم يرحمهم الله أو تستقيل يرحمنا ويرحمهم الله .

عودة للإجتماعات

سمبو يعلن عن عقد اجتماع عاجل علشان يوضح حقيقة تأجيل الندوة الأسبوعية طوال الفترة الماضية وبالمرة يتناقش مع أهل القرية في الموضوعات الجديدة اللي حصلت وبتحصل اليومين دول في بر مصر .

سمبو : واد يا سحيتي عايز البلد كلها صغيرها قبل كبيرها يحضر عند المندرة النهاردة بعد صلاة العصر

السحيتي : خير يا حاج انت مش قلت مفيش ندوات ولا اجتماعات اليومين دول علشان خايف على الناس من انفلونزا الخنازير

سمبو : أيوه قلت بس اللي بيحصل ده أكبر من انه يسكت عليه

السحيتي : وايه اللبيحصل يا حاج ما البلد زي الفل وكل حاجة تمام التمام

سمبو : ما انت واللي زيك شايفين كل حاجة تمام ده ان شافوا أصلاً

السحيتي : طب ما نستنى ليوم الجمعة زي ما الناس متعودة

سمبو : قلت النهاردة يبقى النهاردة علشان نستنى ليوم الجمعة مين عارف أيه ممكن يحصل

السحيتي : أمرك يابا سمبو ولو اني مش عارف ايه اللي مخليك مستعجل كدة

سمبو يحدث نفسه : ما انت مش مسؤل عن البلد ولا يهمك حال الغلابة زي ناس كتير في البلدي همهم الوحيد نفسهم وبس

السحيتي أعلن في البلد عن الاجتماع المهم اللي الحاج سمبو بيدعي فيه كل أبناء القرية علشان فيه حاجات مهمه تخص كل فرد فيهم وهو بيقول لنفسه أنا مش شايف ان فيه حاجة تخصهم من قريب ولا من بعيد لكن اهي أوامر ولازم أنفذها

بعد أداء صلاة العصر قعد الحاج سمبو قدام المندرة بعد تجهيز المكان لإستقبال كل أبناء القرية وبعد شوية بدأ الناس يتوافدوا على المكان ويدوب نص ساعة وكان الكل في الإجتماع نفسهم يعرفوا ايه اللي خلا الحاج سمبو يلغي الحظر اللي كان فرضه على الإجتماعات

سمبو : عارف ... كلكم نفسكم تعرفوا أنا جمعنكم النهاردة ليه وبعد المدة الطويلة دي وأنا هخش في الموضوع علطول علشان النهار بقى قصير ونلحق صلاة المغرب والموضوعات اللي عايز أتكلم معاكم فيها كتيرة وهبدأ من حاجة كانت السبب في تعليق الإجتماع الأسبوعي الفترة اللي فاتت وهي إنفلونزا الخنازير قريت في الصحف ان السيد وزير الصحة بيقول انه قد تتوطن إنفلونزا الخنازير في مصر ودي حاج الناس شيفاها مزعجة لكن اللي عارف البلدي كويس يعرف انه مش جديد تتستوطن إنفلونزا الخنازير في البلدي ما هو من قبلها استوطنت انفلونزا الطيور ومن قبلها الكبد الوبائي وقبل دة ودة البلهارسيا ودة علشان احنا شعب عشري واللي يعاشرنا يوم لايمكن يهون عليه فراقنا

أبو النجا : عندك حق يابا الحاج دة حتى اللي بقعد على كرسي في اي منصب بيلزق فيةه ومبيسبوش ولا بالطبل البلدي برضة من العشرة

السعيد مخيمر : والدليل على الكلام دة ان السيد وزير المواصلات وبعد كل الكوارث اللي حصلت وبتحصل في السكة الحديد وآخرها حادثة العياط لسه متمسكين بيه أصل العشرة متهونش الا على ولاد ...

وكل حادثة يشيلها سواق أو محولجي وكأن سيادته مش مسئول عن أي حد ولا أي حاجة

السحيتي : بس يالا يك خابط منك له انت عايز كل وزير ينشال من الوزارة علشان حادثة ولا مصيبة تحصل كان زمان الوزرا كلهم قاعدين على القهوة من غير شغل

أبو النجا : ماهما برضة قاعدين في الوزارات بتاعتهم من غير شغل هو الواحد منهم لو شايف شغله كانت المصايب تنزل علينا كل يوم ترف زي ما احنا شايفين

سمبو : كده شكلي هلغي الإجتماع بدل مانكمله في مكان حقوق الإنسان فيه يتقال فيها شعر

جمال أبو الغيط : تقصد مركز الشرطة كله إشاعات مغرضة يا حاج سمبو دالواحد يروح هناك بيتعمله أحلى واجب ( بيقولها وهو بيحسس على قفاه )

سمبو : ربنا يجعل كلامنا خفيف عليهم نخش في الموضوع سمعت ان وزارة التعليم ناوية تغلق المدارس في حالة وصول نسبة الوفيات من إنفلونزا الخنازير لـ 2% ودة عين العقل نستنى لما كام عيل من اللي بيروحوا المدارس علشان ميفهموش حاجة يموتوا وبعدها كله هيحرم يروح المدرسة والبركة في الدروس الخصوصية

أبو النجا : أنا من نفسي هخلي العيال مايروحوش المدرسة من النهاردة وكمان مفيش دروس خصوصية هو أنا لاقي آكل أنا والعيال عنهم ماإتعلموا يعني اللي اتعلموا كانوا اشتغلوا ما كلهم قاعدين على القهاوي والنواصي لحد ما الشمس كالتهم

سمبو : أنا كنت عايز أتكلم في حاجات كتير بس اظاهر إن كل موضوع عايز خمس ست اجتماعات أحسن حاجة نروح نصلي المغرب ونبقى نكمل .

سمبو في الوزارة

سمبو يعقد اجتماع مع السحيتي مدير أعماله وانضم اليهما شيخ البلد و بدأ سمبو الاجتما ع بقوله : شوف يا سحيتي أنا قلت أجيبك انت وشيخ البلد علشان أخد رأيكم في اللي أنا ناوي أعمله في المرحلة الجاية
السحيتي : خير ان شاء الله يابا الحاج
سمبو : أنا وزي ما انتم عارفين عضو في الحزب الحاكم وكلمتي مسموعة في الناحية بحالها
شيخ البلد : جنابك ولا فخر عين أعيان الناحية وكبيرها والكل يشهدلك يا حاج
سمبو : أنا من كام يوم خطر على بالي حاجة قلت مفيش غيركم اللي هيفدني فيها
السحيتي : دي ثقة في محلها وان شاء الله هتعرف انك كنت على حق
سمبو : مطولش عليكم أنا بعد اللي شفته في اجتماع مجلس الوزرا قلت ياد ياسمبو انت ليه متكونش وزير
شيخ البلد : د انت تنور المجلس يا كبيرنا ومش ناقصك الا شوية حاجات بسيطة
سمبو : ماهو ده اللي أنا جايبكم علشانه النهاردة
السحيتي : شوف يا حاج أنا شايف ان أول خطوة يبقى عضو في لجنة السياسات ودي محلولة
سمبو : الأول علشان أبقى عضو في لجنة السياسات لازم أكون حاجة من اتنين يأبقى معايا دكتوراة يا إما يبقى معايا فلوس كتير
شيخ البلد : ان كان على الفلوس سهلة ياحاج
سمبو : سهلة ازاي يا أبو العريف
شيخ البلد : شوف يابا الحاج انت تلحق تاخد ييجي 100 ألف فدان في توشكى زي اللي خادهم الأمير الوليد أنا سمعت انه واخد الفدان بخمسين جنية والحكومة مكلفه الفدان مرافق يجي ألف جنية غير تمن الأرض والحكومة مشكورة وحرصاً منها على مصلحة الوطن والمواطنين عملتله عقود تمليك وسجلتله الأرض يعني من حقه يبيع وقت ما يحب فلما انت تاخد حتة أرض زيه ونبيع على طول ويبقى كده مبلغ محترم نبدأ بيه الخطوة التانية
سمبو : قبل ماننقل على الخطوة التانية أنا سمعت انه مبعش الأرض يا فالح وسمعت كمان انه زرعها برسيم حجازي وشحنه على الخليج يعلف بيه بهايمهم ...! هي الأرض دي كانت معموله علشان نعلف بيها بهايم الخليج ولا علشان نوفر منها أكل للمصريين الغلابة
السحيتي : يا حاج ما هو من الغلابة لـ.... الخليج مفرقتش كتيروأهو يبقى الود موصول في الآخر المصريين الغلابة دول بيروحوا يشتغلوا في الخليج ويمكن يتمر في البهايم حتى.... ويعرفوا ان علفهم جه من مصر ويردوا الجميل بكوباية لبن دسمة ولا جوز كوارع سمان
سمبو : مش هنخلص من السحيتي وهيخرجنا من موضوعنا قول يا شيخ البلد الخطوة التانية ايه ؟
شيخ البلد : بعد مانبيع الأرض نعمل شركة مقاولات كبيرة ونخش في موضوع المشروع القومي للاسكان ودي سبوبة لوزلوز يا كبير
سمبو : ازاي يا حلو
شيخ البلد : شوف يا حاج احنا طبعاً أعضاء في الحزب ولما نقول اننا ناويين نشارك في تنفيذ البرنامج الانتخابي اللي بدأ من سنة 2005 ونساهم في عمل شقق لمحدودي الدخل ألف مين هيرحب
سمبو : وبعدين...!
شيخ البلد : الحكومة بتدي الأرض بسعر سبعين جنية للمتر
سمبو : انت مش كنت بتقول خمسين جنية للفدان
السحيتي : خمسين جنية للفدان في الأرض اللي هتتزرع بس أرض مشروع الاسكان بسبعين جنية للمتر
سمبو : معلش معلش ماهى برضة حاجة تمخول يا ولاد ... كمل يا شيخ البلد
شيخ البلد : والحكومة قالت انها هتساهم بمبلغ 15 ألف جنية منحة لا ترد وباقي المبلغ محدودي الدخل اللي هيستفيدوا من المشروع هيسددوه على أقساط متزيدش عن مش عارف 175 جنية ولا 275 جنية
سمبو : يبقى فين المكسب يا عبقري
شيخ البلد : أنا جايلك في الكلام أهو يا حاج
سمبو : خلص وهات من الآخر
شيخ البلد : شوف يا حاج أنا قريت اعلانات كتير اليومين دول في صحف كتير عن الشقق دي وكل اعلان لازم يبقى في أوله صورة الريس ومفيش مانع من صورة لرئيس الوزرا وتحت منه تنفيذا للبرنامج الانتخابي ومن خلال المشروع القومي للاسكان تعلن الشركة الفلانية عن شقق مساحتها 63 متر بأسعار تبدأ من 110 ألف جنية كاش ولو قسط يبقى لازم الواحد يسدد 50 ألف جنية قبل مايسكن والباقي على أقساط في حدود 750 شهرياً
سمبو : بتقول كام ياولا ؟ 110 ألف جنية كاش وكمان لازم يدفع خمسين ألف قبل مايسكن متأكد يا شحط انها لمحدودي الدخل ولا انت سمعت البرنامج الانتخاب غلط ولا دة كان برنامج الكاميرا الخفية مش كان بيقولوا ان الشقة مساحتها هتبقى سبعين متر وبخمسين ألف جنية وبالتقسيط
شيخ البلد : ما هو ده مربط الفرس لما ناخد الأرض بسعر سبعين جنية للمتر وعلى فكرة الحكومة زودت المنحة اللي مش هتترد وبقت 25 ألف جنية والبنوك بتسهل القروض للمشروعات ديه ومحدش بيدخل في تحديد اسعار الشقق يعني نبيع بالسعر اللي يعجبنا ودي مسألة عرض وطلب يعني لو عرفنا ناخد يجي عشرتلاف وحدة شوف ممكن نكسب قد ايه ويارب يخلي محدودي الدخل ويجعله عامر
سمبو : يبقى لسه حكاية الدكتوراة
السحيتي : دي بقى مفيش أسهل منها
سمبو: ازاي يالا وانا يدوب ساقط اعدادية وبفك الخط بالعافية
السحيتي : مسمعتش عن سيد القمني اللي الدولة اديته الجايزة التقديرية و200 ألف جنية
سمبو : وده دخله ايه بموضوعنا
السحيتي : دهوا كل موضوعنا ... ده واخد الدكتوراة من أمريكا ودفع فيها أول عن آخر 250 دولار يعني حاجة ببلاش كدة
سمبو : يا حلاوة يا ولاد دفع 250 دولار وبقي معاه دكتوراة عليا النعمة انا أدفع 2500 دولار وأجيب دكتوراة أكبر من بتاعته ويمكن اخد جايزة الدولة التقديرية أم 200 ألف جنية دي يبقى احنا الكسبانين من كله . شوف يا شيخ البلد من بكرة تشوف موضوع الأرض بتاع توشكى وانت ياد ياسحستي تجيبلي أحسن وأفخم دكتوراة وميهمكش الفلوس
شيخ البلد : همتك معانا يابا الحاج علشان عاوزين موافقة وزارة السياحة والآثار والزراعي والري والداخلية والدفاع ويمكن موافقة مجلس الأمن
سمبو : ليه ليه كل ده ؟
شيخ البلد : علشان انت مش أمير خليجي
سمبو : افتكرت أنا أبويا كان بيشتغل في الخليج زمان وكان قائم بأعمال أمير ونقدر نجيب منه شهادة خبرة اوممكن ازود اسم آل سعود ولا الصباح أو زايد في آخر اسمي علشان اخد الأرض بدون الموافقات دي كلها ولا اقولكم بناقص الوزارة اللي هتدوشنا دي .

رابطة سمبو

سمبو يوجه الدعوة لعقد المؤتمر السنوي العام للرابطة الوطنية لأصحاب الرأي والمشورة في القرية بعدما تعالت بعض الأصوات المشككة في نزاهة أعضاء الرابطة وزادت الشائعات حول سلوكيات البعض منهم
سمبو يستيقظ كعادته قبيل الفجر يتوضأ ثم يذهب إلى الجامع الكبير يصلي الفجر ويعود مسرعاً إلى دواره لمتابعة آخر الإستعدادات للمؤتمر
توافد أعضاء الرابطة الواحد تلو الآخر وما هي إلا ساعة وكان كل أعضاء الرابطة في دوار الحاج سمبو – أحمد أبو السعود أمين الرابطة والممول لها ، طلعت أبوضيف مسؤل التطوير وإعداد البرامج ، نشأت وفا المقاول الكبير ، يسري غالي رئيس الجمعية الزراعية السابق ، وصفي عزيز مدير بنك القرية ، الدكتور أيمن أبو جبل مدير الوحدة الصحية وغيرهم الكثير من أعضاء الرابطة وغالبيتهم لا يحضر إلى القرية إلا في مثل هذه المناسبات من مؤتمرات أو إنتخابات .
سمبو : طبعاً احنا كل سنة بنتجمع هنا علشان المؤتمر ده ونقول كلمتين ونتغدى مع بعض ونشرب الشاي ونتبسط
أبو السعود : يجعله عامر يا حاج سمبو
سمبو : بالشكل اللي أنا سمعته مش هيفضل عامر يا أبو السعود
أبو السعود : ليه ؟ انت سمعت ايه بس يا حاج قولنا
سمبو : الناس بتقول وتعيد في سيرة أعضاء الرابطة وبتلسن عليهم وكمان بيشتكو ان الرابطة مش عارفه حاجة عن مشاكلهم ولا عن أحوالهم اللي بقت لا تسر عدو ولا حبيب
طلعت أبو ضيف : ده كلام مغرضين وحاقدين وناس مفيش حاجة تملا عنيهم
سمبو : طبعاً لازم تقول كده ماانت طول عمرك مطيباتي من أيام ما كنت متعهد أفراح ولا نسيت
أبو السعود : الأول نعرف طلبات الناس ايه ونحاول ندرسها ونشوف الحلول المثلى ونبدأ في التنفيذ
سمبو : عارف طلبات الناس ايه إن أعضاء الرابطة اللي مش حاسين بالغلابة و الشبهات حوليهم زادت يتغيروا والا الناس هتعمل رابطة بديلة
شيخ الغفر : كلام يا سيد البلد هو فيه حد يقدر يخرج عن طوع جنابك
سمبو : طول م أنا شايف مصلحتهم محدش هيقدر لكن لو حسوا بالتقصير تبقى واقعة سودة
نشأت وفا : طول عمرك بتفني نفسك علشان أهل القرية اللي ما يستهلوش
سمبو : ما يستهلوش أمثالك يمثلوهم انت نسيت لما كنت عامل باليومية وخدت حتة أرض وبنيت بيت وبعته وكسنت من وراه شئ وشويات واحلوت اللعبة في عينك لحد ما بقيت أكبر مقاول في البر كله وياريت رديت الجميل للبلد مشيت على حل شعرك زي ما بيقولوا ودرت ورا الرقصات تبعزأ في الفلوس شمال ويمين وأخرتها عامل مصيبة زي وشك الله وحده يعلم هتوديك وتودي الرابطة فين
نشأت : كله تلفيق يا حاج أنا طول عمري ماشي عدل علشان كده ربنا أكرمني وبقيت زي ماانت شايف
سمبو : لأ يا حلو دة علشان البلد اديتك الأرض ببلاش واديتك قروض من بنك القرية واستخسرتها في الغلابة لولا دة كان زمانك لسه أجري عند الناس
أحمد أبو السعود كان بينه وبين نشأت وفا بعض المشاكل وجدها فرصة قال يكب زيت على النار ويشعللها أكتر
أبو السعود : لازم كل واحد يمد ايده للغلابة واللي يصرفه على الهلس ولاد البلد أولى بيه
سمبو : مين اللي بيقول الكلام احلو ده يا ولاد ... أبو السعود اللي بدأ بلم الخردة وتوريدها للمسابك وشوية شوية عمل مسبك لحسلبه وشوية شوية اشترى المسبك بتاع البلد واحتكر السوق ورفع السعر على كيف كيفه وعمل فلوس ميعرفش عددها
أبو السعود : الحمد لله يا حاج كله بمجهودي وبعدين الخير ده مش ليا لوحدي ما انت عارف اللي فيها
سمبو : الناس بتعمل مجهود أد سيادتك مليون مرة وعمرهم ميتحصلوا على واحد في الألف من اللي معاك وتقولي مجهود ايه يا أبو مجهود دة إحتكار واحنا اللي ساعدناك على كدة لكن كل شئ وله نهاية
وصفي عزيز مدير بنك القرية حب يهدي الأمور لما شاف إن الصوت بدأ يعلا وربما يسمعهم الأهالي اللي بره المضيفة ويحسوا إن فيه خلافات بين أعضاء الرابطة
عزيز : يا حاج سمبو الرجالة بتوعنا خدوا قروض وشغلوها وعملوا مشاريع تنفع الأهالي وبيدفعوا الفوائد والأقساط بتاع القروض في معادها يعني مغلطوش
سمبو : ومين يشهد للعروسة ...؟! ما انت طالع واكل نازل واكل والمعلوم بيتحول لرصيدك في البنوك التانية تديهم قروض بالشئ الفلاني وتستخسرها في الغلابة من أهل القرية علشان مصلحتك معاهم
عزيز : مصلحتي ايه يا حاج مصلحة البلد هيا مصلحتي هيا مصلحتنا كلنا
سمبو : وفين غراب البين اللي اسمه يسرى غالي اللي الناس مبطبطلش دعا عليه وبيقولواالله يكحمه هو السبب في بوظان المحصول من البذور اللي استوردها وان هو السبب في الفشل الكلوي والكبدي بسبب الأدوية المسرطنة وانه السبب في ان الفلاح من دول معدشي قادر يسدد ديونه علشان المحصول مش مغطي تكاليف البذور والكيماوي والأدوية ولا كل الفلاحين ظالمينه برده
يسري غالي : كله افترى أنا طول عمري بدور على مصلحة الفلاحين من يوم ممسكت الجمعية لحد مسبتها
سمبو : لازم تقول كده يعني هتقول انك السبب في كل المصايب دي
الدكتور أيمن : يا حاج الناس صحتها زي الفل مفيش فشل كلوي ولا حاجة كلها شوية مغص والأعمار بيد الله
سمبو : ونعم بالله لكن الناس تعبانه يا دكتور ولا علشان تهرب من المسؤلية تقوم تغالط ضميرك اتقي الله دا انت المفروض تكون رمز للرحمة
لكن الظاهر إني هخرج للناس اللي بره وأقول لهم اعملوا رابطة جديدة وأنا أول أعضاءها بس ياريت أكون الريس علشان شكلي يفضل كويس قدام القرى اللي حوالينا .

الأحد، يوليو 05، 2009