شنطة سمبو
سمبو يطلب باستعجال مدير أعماله السحيتي علشان يشوف اية اللي عمله في موضوع شنطة رمضان اللي ناوي سمبو يوزعها على فقراء القرية وخاصة أقاربه الفقراء منها صدقة ومنها صلة رحم وبالمرة تحسين صورة الحزب قدام الشعب اللي بيرضيه ابسط حاجة دقائق ودخل عليه السحيتي : سلام عليكم يابا الحاج 
سمبو : وعليكم السلام يا عم المدير ما انت من يوم مابقيت مدير أعمال لازم تتأخر في كل حاجة زي كل المديرين
السحيتي : تأخير ايه بس يابا الحاج ده أنا في المندرة قبل ما يروح اي مدير مصلحته اللي شغال فيها
سمبو : وأنا هخلص معاك ما انت شغلتك الكلام المهم عملت ايه في الشنطة
السحيتي : شنطة ايه يا حاج؟
سمبو : شنطة حمزة ... انت نسيت يالا شنطة رمضان يا فحل
السحيتي : شنطة رمضان لسة بدري على رمضان يا حاج
سمبو : اعملي زي موظقين الحكومة بقه اليوم عندهم بسنة وما يتحرحوش الا بعد فوات الأوان
السحيتي : كله تمام يا حاج وان شاء الله الشنط هتتوزع قبل العيد يعني برضة هتبقى شنطة رمضان مش شنطة شوال
سمبو : أنا قلت مش خلص من لسانك انطق قول عملت ايه
السحيتي : مستني تبرعات السادة أغنياء الحزب
سمبو : طبعاً لسه محدش عبرك ما هو سعر الحديد في الأرض والقمح امستورد اللي انكشف جزء منه اتمنع والأسمنت في نيه يخفضوا سعره والأحكام بالسجن والاعدام طالت بعض الأكابر يبقى هتستني شهر صفر يا حلو
السحيتي : والعمل ايه يابا الحاج سمبو
سمبو : نقدم طلب للجنة الاعلام في الحزب تعلن تأجيل رمضان يا فالح
السحيتي : والله براوة عليك يا أبو دماغ تستاهل تقلها بلح وياميش
